ЕТГ-ын Хэвлэл мэдээллийн албаны дарга өчигдөр мэдээлэл хийхдээ Ерөнхийлөгчийг “Бага тэнгэр”-т 1.2 тэрбумаар амины орон сууц захиалсан гэж мэдэгдсэн. Тэгвэл Ерөнхийлөгчийн хаус захиалсан тус байршилд орон сууц болоод амины орон сууцын метр квадратын үнэлгээ ойролцоогоор ийм байна.

Хүмүүсийн сайн мэдэх Unegui.mn сайтад Бага тэнгэрт хаус зарах цөөн зар байгаагийн нэг нь 7.5 тэрбумын үнэлгээ бүхий 663 метр квадрат синглэ хаус. Метр квадрат нь 11.31 сая төгрөг.

Мөн 542.96 метр квадрат гурван давхар хаус 3.5 тэрбум төгрөг. Метр квадрат нь 6.4 сая зэрэг харилцан адилгүй байна.

Харин “Бага тэнгэр сити резиденс” хотхонд 124.77 метр квадрат гурван өрөө байр 1 тэрбум 60 сая төгрөг. Метр кавадратын үнэ 8.5 сая төрөг. Мөн “Бага тэнгэр сити лакшири резидэнс” хотхонд 108 метр квадрат гурван өрөө байр 900 сая төгрөг. Метр квадратын үнэ 8.3 сая төгрөг.