Ерөнхий сайд Н.Учрал,

“Шатахууны нөхцөл байдлаас болж иргэд цаг, хөрөнгө, ажлаа алдаж байна. Хамгийн багадаа 4 цаг, заримдаа шөнө дараалал үүсгэж хонож байна. Ерөнхий сайдын хувьд ард түмнээсээ асуудлаа нуухгүй. Үнэнээс зугтахгүй” гэлээ. Тэр ингэж үнэнд гүйцэгджээ.

Саяхан АҮЭБ-ийн сайд Г.Дамдиннямыг хойд хөрш рүү шатахууны гуйлгад явуулсан. Г.Дамдинням ч ажлаа бүтээв. Гэвч дахин хомсдолд орохгүй юм шигээр өөрийн цахим хуудаснаа сүржин мэдэгдсэн нь иргэдийн дургүйцлийг хүргээд байгаа.

Ямартай ч энэ сард ОХУ-аас 49,280 тонн АИ-92, 1,280 тонн АИ-95, 89,930 тонн дизель түлш нийлүүлэхээр тохиролцсон. Харин цаашид, урт хугацаанд хэрхэх вэ гэдэг асуултын тэмдэг хэвээр байна.

Энэ онд багтааж “22 нөөцийн савтай болно, шатахууны нөөц 45 хоногоор нэмэгдэнэ. 2028 онд газрын тосны үйлдвэр ашиглалтад орно” гэхээс өөрийг хэн ч зориглож хэлж чадахгүй, дээрх хоёр өгүүлбэр л тэдний амны уншлага болов.

Намар, өвлийн хүнд сарууд одоо л эхлэх гэж байна. Тэр үед л жинхэнэ дүнгээ тавиулна шүү дээ.