Аж үйлдвэр, эрдэс баялгийн сайд Г.Дамдинням шатахууны нөхцөл байдлын талаар цаг үеийн мэдээлэл өглөө. Тэрбээр Улаанбаатар хотын нөхцөл байдал тогтвортой болж байгаа тул аймгууд руугаа голлон анхаарна гэв.

Мөн ард иргэдийг уурлаж болно, ойлгоно. Гэхдээ гол ачаа үүрч ажиллаж байгаа ШТС -ын эрхлэгч, түгээгчтэй битгий муухай харилцаарай гэж гуйв.

Сонирхолтой нь,

Ашигт малтмал газрын тосны газар цахим систем бүтээж байгаа юм байна. Тэрхүү систем ажиллаж эхэлбэл иргэд түгээгчгүйгээр QR кодоороо, дугаараараа цаг захиалаад шатахуунаа авдаг болох аж.

Тиймээс энэ хүрээнд аж ахуй нэгжүүд бэлтгэл ажилдаа орохыг зөвлөлөө. Энэ тухайгаа, “дэмий очоод зогсоод байдаггүй хуваарь руу шилжмээр байна. Эмчид үзүүлэх цагаа иргэд цахимаар захиалаад авдаг болчихлоо, шатахуунаа ч мөн ухаалаг шийдлээр авдаг болох ёстой” гэв.