Философич С.Молор-Эрдэнийг 5-12 хүртэлх жилийн хорих ялтай, Үндэсний эв нэгдлийг бусниулах зүйл ангиар шалгаж байна гэх мэдээлэл нийгмийн сүлжээнд хөвөрч эхлэв. Ингэхдээ Хууль зүй, дотоод хэргийн сайдын тушаалаар гэх тодотголтой. Харин өчигдөрхөн /2026.09.02/ түүнийг нэг сар цагдан хорих болсон шийдвэрийг Дүүргийн эрүү, иргэний анхан шатны шүүхээс гаргалаа. Иргэд одоо ч хуваагдсан, талцсан хэвээр байна.
С.Молор-Эрдэнийг “Монгол Улсын түүхийг гуйвуулсан, Чингис хааныг үгүйсгэсэн” хэмээн буруутгаж байгаа. Харин хөшигний ард түүнийг ирэх оны Ерөнхийлөгчийн сонгуульд ИЗНН-аас нэр дэвшинэ гэдгээ зарласан учир энэ процесс өрнөж байгаа гэх агуулга хөндөгдөж байна.
Үнэхээр түүний ард гаднын нөлөөлөл, санхүүжилт байгаа юу. Тэр зохион байгуулалттай суртал ухуулга, үндэсний аюулгүй байдлын эсрэг хууль бус ажиллагаа явуулдаг уу. Үүнийг эрх бүхий байгууллага нь мөрдөн шалгаж, тогтоох бүрэн эрхтэй. Энэ нь нээлттэй!
Харин Хууль зүй, дотоод хэргийн сайдад тушаах эрх мэдэл байгаа юу. Товчхондоо үгүй юм. Тэр зөвхөн салбарын хууль тогтоомж, бодлого боловсруулж, төсвийг захиран зарцуулдаг улстөрч. Түүнд хэн нэгнийг баривчлах, шалгах, шүүж яллах эрх байхгүй.
