Ээлжит намрын чуулган эхлэхтэй зэрэгцэж Ардчилсан намын бүлэг гурав хоногийн завсарлага авч байв. Харин завсарлагын хугацаа дууссаны дараа МАН дангаараа ирцээ бүрдүүлж чадсан тохиолдолд чуулгандаа сууна гэж гэдийсэн.

Тэд энэ хугацаанд Ерөнхий сайд Н.Учралыг өөрт нь итгэл үзүүлэх эсэх асуудлыг өөрөө УИХ-д оруулж ир хэмээн шахсан. Харин Н.Учрал би өөртөө итгэлтэй байна, тэгж чадахгүй. Ардчилсан намынхан өөрсдөө гарын үсгээ цуглуулаад оруулаад ир гэж байв.

Тэгвэл Ардчилсан намын дарга О.Цогтгэрэл өнөөдөр өөрийн бланк дээрээ Засгийн газрыг огцруулахаар гишүүдийн гарын үсэг цуглуулж байгаагаа мэдэгдлээ. Түүний хэлснээр 40 гишүүн гарын үсгээ зураад байгаа аж.