Засгийн газрын ээлжит хуралдаан /2026.08.12/ болж байна. Хуралдаанаaр,

Үйл ажиллагаа нь зогссон байсан, нэг ч хуралдаж байгаагүй Замын хөдөлгөөний аюулгүй байдлын зөвлөлийг орон тооны бусаар дахин байгуулав. Энэ хүрээнд салбар дундын зохицуулалтыг хийх аж.

Учир нь сүүлийн таван жилд зам тээврийн ослоор 312 хүүхэд амь насаа алдаж, 3861 хүүхэд гэмтжээ. Тодруулбал, жилд дунджаар 835 орчим хүүхэд, 10 цаг тутамд нэг хүүхэд ослын хохирогч болж байна гэж Ерөнхий сайд мэдэгдэв.

Жил бүр эрх бүхий байгууллагууд төсвийн хөрөнгөөр нөлөөллийн аян хийдэг ч осол, эндэгдлийн тоо буураагүй гэдгийг мөн онцоллоо.

Тиймээс иргэн бүрийн хариуцлагыг нэмэгдүүлэх, үр дүн гаргадаг тогтолцоо руу шилжих шаардлагатай гэж үзжээ.

Өөрөөр хэлбэл, дээрх зөвлөл иргэд, жолооч, хувийн хэвшлийн оролцоог нэмэгдүүлэх чиглэлд түлхүү ажиллах юм байна. Уг зөвлөлд Хууль зүй, дотоод хэргийн сайд болон холбогдох агентлагийн дарга, хууль хяналтын байгууллагынхнаас гадна иргэний нийгмийн төлөөлөл багтана. Дэд даргаар Зам тээврийн сайд болон иргэн Б.Болд /МООД Болдоо/ нарыг томиллоо.